Skip to main content

GROEN GROEP

Die Groen Groep is ‘n wetenskap omgewingsvereniging wat fokus op alledaagse kwessies soos aardverwarming, die koolstofvoetspoor wat verminder moet word , en dan ons bydrae tot bewaring, herwinning en hersirkulering.

Ons fokus veral op die herwinning van wit papier by die skool en die ideaal is om ook herwinning van blikkies, plastiek en glas te herwin.  Groot houers is baie moeilik bekombaar.  Ons poog om van die groothouers te bekom en selfs inligting rondom die beskikbaarheid sal vir ons van groot waarde wees.  Die geld wat uit herwinning gemaak word, word aangewend vir die aankoop van nog groen drommetjies vir klaskamers en ook nog groot dromme.

Omgewingsontwikkeling poog om die gehalte van die skoolterrein se omgewing en die omringende omgewing volgens ‘n geintegreerde en holistiese wyse te verbeter.

Liefdadigheid:  ons neem soms ‘n Cheetah aan en die skenking van bydraes vir die DBV lê ons na aan die hart.  Ons loots hierdie projek twee maal per jaar.

Ons  ideaal is ook om ‘n komposhoop vir Sentraal te maak waar die kompos dan teruggeploeg word in ons tuine.

Die Groen Groep besoek ook deur die jaar plekke soos die planetarium, bloedbank en ander.  Ons maak ook tyd vir lekker saam kuier onder die bome.

Die groep bestaan uit omtrent 50 leerders van graad 8 tot 12.  Ons vergader elke Woensdagoggend en Woensdagmiddae vir ‘n halfuur vir herwinning. Verdere word twee byeenkomste gereël vir elke kwartaal.

Leerders van Sentraal se omgewingsontwikkelings komponent het verskeie groepe baie bly gemaak deur oormatige tou vaan lamppale in ‘n groot gedeelte van Generaal Dan Pienaarrylaan tee verwyder.

Kontak:
Johan Coertzen
johan@sentraal.co.za